Það er held ég sorgleg staðreynd að eftir bankahrun er einfaldlega ekki til peningur í kerfinu. Það hvergi hef ég séð niðurstöður álagsprófs á nýju bankana sem ég því miður efast um að þeir mundu standast.

Undanfarið hefur verið kallað eftir stýrivaxtalækkun en ég spyr ef bankastofnanir hafa ekki fjármagn til útlána á annað borð hvaða máli skipta þá stýrivextir í landinu: Ef banki getur ekki lánað mér á okurvöxtum vegna þess að hann á ekki lausafé til þess hvaða líkur eru þá til þess að hann geti það á lægri vöxtum. 

Nú er ég í þeirri stöðu að vera íbúðareigandi og námsmaður sem sagt ég borga af einu láninu með öðru og á svo rest til framfærslu lín lánar mér m 70 þús á mánuði í framfærslu og af þeim pening þarf ég að borga af sí hækkandi íbúðarláni undanfarin ár hef ég svo fengið yfirdrátt seinnihluta vetrar til að brúa bilið. Nú stendur svoleiðis á að ég verð að væla út krónur um hver mánaðarmót til að geta borgað reikninga. Hér fyrir ári síðan þurfti maður að passa sig því bankinn vildi lána mér miklu meira en ég þurfti. Einhvernvegin skín það í gegn að bankinn á bara ekki peninga til að lána út.

Ég held að þessir stýrivextir sem við búum við núna séu bara til að minnka eftirspurn eftir lánsfé því ef vextir lækka og eftirspurn eftir lánsfjármagni eykst held ég að sá skelfilegi sannleikur eigi eftir að koma í ljós að það eru einfaldlega ekki til peningar í kerfinu til að lána út. 

Svo það að Kaupþing kveinki sér við að borga út innistæður gamla SPRON kemur mér síst á óvart. Eins og ég segi það er einfaldlega ekki til peningur í kerfinu til að borga þetta út. Fjármagnið sem Kaupþing fékk þegar það yfirtók SPRON er bundið í útlánum og eignum sem eru ill seljanlegar og þar af leiðandi ekki hlaupið að því að borga nýjum eiganda vörumerkisins peningana út  Það mundi setja Kaupþing aftur á hliðina.

	Kaupin ganga vonandi eftir
Ábyrgðarmaður færslu Tilkynna um óviðeigandi tengingu við frétt

Mér hefur þótt Guðlaugur Þór Þórðarson verið skeleggur og glöggur stjórnmálamaður í gegnum tíðina þó ég hafi kanski alltaf verið algerlega sammála honum í öllum atriðum. Hinsvegar rak mig í rogastans þegar mér var bennt á blogg færslu hans sem ber heitið Kostnaðurinn við Davíð Þar fer hann út í mjög hæpna reikninga svo ekki sé meira sagt. Skora eindregið á ykkur að kíkja á þetta svo það sem hér kemur á eftir skiljist

Dæmi mitt er svo hljóðandi 

Davíð Oddson tekur við Seðlabankanum 20 okt 2005 

þá er gengisvísitalan í 101,65 stig

þegar Davið lætur af störfum í Seðlabankanum í febrúar 2008 

er gengisvísitalan 190 stig 

Sem segir okkur það að gengisvísitalan hefur hækkað um 87% 

Sem aftur segir okkur það að erlendarskuldir þjóðarbúsins hafa hækkað um 87% að jafnaði á þessu tímabili 

Hér ætla ég að láta staðarnumið því maður verður bara þunglyndur að reiknar þetta í krónum og aurum, eða öllu heldur þúsundum og hundruðum milljóna svo prósenturnar verða bara að duga 

Ef þetta verður röksemdarfærsla sjálfstæðismanna í komandi kosningabaráttu er ég hræddur um að þeir verði talaðir í kaf því þetta er ekkert annað en hríðskotakast úr glerhöll fálkans 

Þó ég hafi þráast lengi við og ekki stundað blogg játa ég mig nú sigraðan og er snúinn til blogg heima. Var lengi vel ekki á því að nota msn en er nú forfallinn, nýlega búinn að fatta fésbókina en er fastur þar langar stundir hvern dag, svo ég spái því að bloggið hljóti sömu örlög og verði tímaþjófur mikill í mínu lífi netverjum til ama eða gleði það verður bara að koma í ljós.

Góðar stundir